Ој Коруне

Ој Коруне од македонскиот фолклор

македонски народни песни

- Ој Коруне, млад Корун,
зошто Корун море, не доаѓаш
како што ми Корун, доаѓаше?
Секој петок, Корун, и сабота,
негде-годе, Корун, и недела.

- Мори Недо, мори
бела Недо,
сум чул Недо мори
си имала,
си имала Недо,
машко дете,
машко дете Недо,
Костадинче.

Се метнало, Недо,
на татка му,
на татка му Недо
ќесеџија.^[1]
На чичко му Недо
бинекчија,^[2]
на вујка му Недо
арамија.^[3]

Се попалил Недо
да ме фати,
крвнината Недо
да ја врати.
На татка му Недо,
на чичко му,
на чичко му Недо
и вујко му.

Наводи

1. Ќесеџија е разбојник, човек кој краде сечејќи ги ќесињата на жртвите.
2. Бинекчија е коњаник, добар јавач
3. Арамија е крадец, разбојник

Поврзано

• Македонски народни песни

Ова дело е во јавна сопственост во целиот свет бидејќи авторот е непознат/народно творештво.