Мома оди за вода

Од Wikisource
Прејди на прегледникот Прејди на пребарувањето
Мома оди за вода,
и беќаро по неа:
- Постој моме, почекај,
да ти речам до два збора.
Дејгиди моме убаво,
деј гиди севдо голема.
- Да ми дадиш тро вода,
да улада срцето.
Се измами момето,
му подаде стомнето.
Дејгиди моме убаво,
деј гиди севдо голема.
Тој не фати стомнето,
тук ѝ фати раката.
Ја префрли на коња,
ѝ го скрши прстено.
Дејгиди моме убаво,
деј гиди севдо голема.
Каку ветар вееше,
така коњот бегаше.
Како роса росеше,
така мома плачеше.
Дејгиди моме убаво,
деј гиди севдо голема.

Поврзано[уреди]