Марко чека месец да огрее

Од Wikisource
Прејди на прегледникот Прејди на пребарувањето
О, Марко чека месец да огрее
Марко чека месец да огрее
О, га превари ѕвезда вечерница,
ори ѕвездо, ѕвездо вечернице,
О, че те прашам мори, право да ми кажеш,
дали беше ѕвездо на мојот виљает.
О сега Марко море оттамо се враќам,
твојте кули Марко ти се поурнати,
О твоја мајка ти е отепана
верна љуба ти е одведена.
О се наљути море Марко добар јунак,
та се врати јо Прилепа града
О па подигна тешка буздогана,
и утепа море Муса Кесеџија.
О и утепа море Муса Кесеџија,
и со њега Црна Арапина.

Поврзано[уреди]

Надворешна врска[уреди]

Слушни ја песната

Музика