Крај Вардара високи баири

Од Wikisource
Прејди на прегледникот Прејди на пребарувањето
Крај Вардара високи баири, леле
крај Вардара високи баири.
Крај баири зелени ливади, леле
крај баири зелени ливади.
Јули ваби млади Македонци, леле
в' раце држат пушки малихери.
Напред стои нијниот војвода, леле
војводата тихо им говори.
Ваја вечер Вардар ќе газиме, леле
втора вечер Гевгелиско Поле.
Трета вечер у Ниџе планина, леле
там' се бијат наши мили браќа.

Поврзано[уреди]