Зборник на Миладиновци/ 658 песна

658 песна

од Браќа Миладиновци

на современ македонски правопис.

Жнала Мара жолто просо,
Поминале кираџии.
Едно мало кираџивче,
Тоа Маре је велеше:
„Ајде да се натжниваме,
Ако тебе те натжниам,
Да ми даиш кован гердан;
Ако мене ме натжниеш,
Ке ди даам брза коња.”
И Мара му говореше:
„Ако тебе ја натжниам,
Не ти сакам брза коња,
Туку тебе добар јунак
Добар јунак да те земам.”
Си фатиле да жнијеет;
Жнала, жнала бела Мара,
Жнала, јунака натжнала,
И јунака си го зела.