Зборник на Миладиновци/ 223 песна

Од Wikisource
Прејди на прегледникот Прејди на пребарувањето
222 песна 223 песна

од Браќа Миладиновци
224 песна
на современ македонски правопис


Во гора се триесет момчина,
Момчина се триесет ајдути.
Повеале југа темничара,
А по него кривца палаинa,
А со ними снега лапаица;
Им замрзна кноките кошули,
Им замрзна за месо ајдутско.
И станаа триесет ајдути,
Отидое в црква Митроица,
Запалие крсти и икони,
Развалие силнине огнеи,
Отмрзне кноките кошули,
Отмрзнее от месо ајдутско.
Кога дојде дена Ѓургев-дена,
Направие крсти от дукади,
А икони от карагрошеи.