За волкот

За волкот од македонските народни приказни

Легенда.

Господ ги создал дивините, ѓаволот го создал волкот. Они со Господа се браќа. Зима ѓаволот од кал го направуе волкот, саде душа не може да му даде. Му дунуе во устата, во ушите, во носот, не може да се соживи. Му кажуе на Господа, оти го направил волкот, уште душа нема, да му каже, како да му даде. Господ му вика: „До три пати на увото да му речеш: „Стани, изеди ме мене", – и он ќе се соживи". Арно ама ѓаволот ѓавол, не му вика: „Изеди ме мене", ами му вика: „Стани, изеди го Бога", и па отидуе на Бога му кажуе оти волкот не се соживуе. – Ти речи му како што ти реков јас, он ќе се соживи“, му рекол Господ и си заминал.

Зима ѓаволот, го тргнуе волкот до морето и влезуе внатре во морето до гуша и му шепнуе на увото: „Стани, изеди ме мене". Тамам на треќиот пат рекол, волкот се соживил, рипнал, ѓаволот му се испуштил и батисал во море итака се куртулисал. Волкот парам-парчина ќеше да го направи, да беше му се паднал в раце.

Ова дело е во јавна сопственост во целиот свет бидејќи авторот е непознат/народно творештво.