Жалба за младост

Жалба за младост од македонските народни песни

македонска народна песна

Да знаеш, лудо младо, да знаиш,
како е, леле, жалба за младост,
на порта, лудо, би ме чекало,
од којна, лудо, би ме сметнало;
од којна, лудо, би ме сметнало,
на раце, лудо, би ме кренало;
на раце, лудо, би ме кренало,
в одаја, лудо, би ме однесло,
в одаја, лудо, би ме однесло,
в постела, лудо, би ме послало;
постела, би ме послало,
при мене, лудо, би си легнало.

Поврзано

• Македонски народни песни

Ова дело е во јавна сопственост во целиот свет бидејќи авторот е непознат/народно творештво.